Zokhawthara Raltlan awmzat chu chhinchhiah fel tawh a ni.
Mizoram Sorkara Home Commissioner-in Zokhawtha raltlan awmte chhinchhiah fel tura District thuneitute a hriattir angin District Level Committee on Myanmar Refugee leh VLCMR, Zokhawthar-te chuan raltlan chhiar beihpui hi ni 2 chhung an nei a; an chhinchhiah danin Raltlan Camp-ah mi 3290 – (Mipa 976 leh hmeichhia 992 bakah kum 18 hnuai lam mi 1322) an awm mek a. Camp-a awm lo mahni chhungte bel leh in luaha awm mi 2911 (Mipa 885 leh hmeichhia 966 bakah kum 18 hnuai lam mi 1060) an awm mek bawk a; Raltlan awm zawng zawng hi mi 6201 an ni.
Tun hnaia ramria Myanmar sipai leh mipui sipai inbeihna avanga Zokhawthara sahimna zawnga tlan chhia mahni khaw lama la let leh lo mi 1012 (Mipa 277 leh hmeichhia 312 bakah kum 18 hnuai lam mi 416) an awm mek a ni.
District Level Committee on Myanmar Refugee chhinchhiah danin tun dinhmunah Champhai district chhungah raltlan 12,516 an awm mek a ni.
