Baktawng Tlangnuama cheng, Chhuanthar Kohhran hotupa Pu Zionnghaka chu kum 77 mi niin a thi tih Trinity doctor ten an puang a. A nupui, a fa leh a tute mi 181 a kalsan tiin khawvel media hrang hrangin an tlangzarh. Mahse a la thi lova, vuiliam a ni dawn lo. Hemi chungchangah hian a kaihhruai Lalpa Kohhran Thar chuan thuchhuah an siam a. An tarlan danin Pu Ziona hi a thi tih puang tawh mah se a chenna in thlenpui a nih hnuah a mar te a rawn phu thar leh a. Vawiin ni 14 chawhnu lam thleng khan pangti lum a la neiin, oximeter-ah a marphu a la awm a. A taksa pawh a la khawng lova. Heti chunga invui liam chu a nupui fanau, tu leh fate bakah, Chhuanthar mipui ten thil tih chi ah an ngai lo, tih an sawi a.
A pangti a la lum a, a marphu la awm chhung leh a taksa khawng hma loh chu vui liam mai kan la tum loh avangin, Pu Ziona vui hun hi tun dinhmun ah chuan sawi theih a la ni lo, tiin, Mizoram media thenkhata Pu Khuangtuaha leh Pu Chana te unau hi Hmawngkawn Lal in a hnawhchhuah vang a Baktawng a pem phei anga tarlan chu a dik lova, Mizoram buai khaw khawm avang a Sipaiin an pem luih tir vang a pem phei an ni zawk a. Hmawngkawn Lal Pu Vanphunga leh a fapa Pu Lalhluna te hian Pu Khuangtuaha leh Pu Chana te unau hi an duhsak em em a, Lal dang in an khua a awm tur a an duh loh laiin, an khua Hmawngkawn ah an chentir zawk a, Hmawngkawn Lal leh anthlahte chungah hian Chhuanthar mipui chuan lawmthu an sawi tak meuh a ni. tiin an thuchhuahah chuan an tarlang.
