June 25, 2024 : Vawiin tlai dar 3:30 vel khan Tiau Lui, Zokhawtharah Dinthar veng mi Malsawmtluanga kum 22 mi chu a tla.
Zokhawthar YMA hruaitute hnen atanga Maipawl thu dawn danin Malsawmtluanga te hi Tiau lui kamah in sain hna an thawk a, vawiin tlai lam khan a thiante ten inchiah dai turin Tiau luiah hian an cheng a, Zokhawthar lei chhak Balu kaiah che sualin tuiah hian a tla ta a ni.
Tui tla an awm tih hriat anih veleh hian Zokhawthar khawtlang chuan a zawn hna an thawk a, vawiin tlai dar 6;30 thleng khan hmuh a la ni lo a, a zawn hna hi tihtawp rih a ni a, Bulfekzawl lam pawh hriattir nghal niin naktuk hian a zawn hna hi beihpui thlak chhunzawm a ni ang.
