Pro Pastor atan mi 14 lak pawm a ni.
Rorel ni 1 na inkhawmah hian Synod Moderator tang lai Rev. Dr. C. Chawnghmingliana chuan Rev. R. Vanlalnghaka hnenah Moderator nihna a hlan a ni.
Kum 2024 Synod puipa turte;
Moderator –
Rev. R.C. Lalnghakliana, Synod Office
Secretary (Sr.) –
Rev. P.B. Mankima, Chhinga Veng
Secretary (Jr.) –
Upa Vanlalsawma Siakeng, Ramthar Tlang Veng
Finance Officers –
1. Rev. VL Luaia Hranleh,
2. Rev. PC Pachhunga
Statistician –
Rev. H. Laltlanthanga, Tlangnuam
Sr. Executive Secretary –
Rev. C. Zorammawia
Executive Secretary – Rev. Dr. K. Lallawmzuala
Inkhawmpui hian Kum 2024 a Pastoral Ministry thupui atan Inpumkhata tih chu thlan niin Pro Pastor atan mi 14 lak chu pawm a ni bawk. Pastor bial thar 5 hawn tura pawm niin Minister, Pastor leh Pro Pastor te awmna tura Pastoral in ruahmanna a siamte chu Inkhawmpuiin a pawm bawk a ni.
Tun tum inkhawmpuiah hian General 37 a awm a, vawiin khan 6 rel hman a ni a, rorel zingah hian Dan lova sumdawng tihrem dan kawng zawn tih Aizawl Bethel leh Aizawl Hmar Presbytery atanga lut chu pawmin SEC bawhzui tura tih a ni.
