Synod Inkhawmpui vawi 100-na rorel inkhawm chu vawiin khan Aizawl Mission Veng Kohhran Biak Inah neih chhunzawm a ni a;Rorel inkhawm hi Rev. R. Vanlalnghaka, Moderator-in a kaihruai a, Nimina rorel minute ngaihthlak a ni a, pawm a nih hnuah rorel ni hnihna chhunzawm a ni. Vawiina rerel zingah ‘Probationary Pastor lak dan en that’ rawtna Champhai South leh Chhimphei Presbytery atanga lut leh, ‘Probationary Pastor interview hun chhung ni 2’ rawtna Lunglei East Presbytery atanga lutte chu sawi kawp niin SEC-in lo en tha se, Synod-ah thlen leh turin an pawm a; ‘Sunday School zirlai bu, Nilai leh Beihrual Thupui bute dik taka chhut’ rawtna Tuirini, Tuichang leh Aizawl Central Presbytery atanga lut chu mawhphurhtute’n a tul angin hma lak ni se an ti bawk.
‘Tualchhung Kohhran inkhawm a bi kima inang tlanga kal’ chungchang Aizawl Chhim leh Aizawl West II Presbytery atanga lut chu tuna kan inkhawm kalphung hi zawm theuh tur a nih thu inhriattir a ni a, Kolasib Presbytery atanga lut, ‘Mizo-in kûtpui kan hman thin tha zawka hman’ rawtna chu SEC bawhzui atan pawm a ni a;
Chhimtuipui Presbytery atanga lut, ‘Chhimtuipui Presbytery huam chhunga High School leh Higher Secondary School din’ rawtna leh ‘Champhaia Higher Secondary School din’ rawtna Champhai North leh Champhai South Presbytery atanga lut chu sawi kawp a niin a remchang rih lo-a ngaih a ni bawk.
