Covid-19 natna hrik insiam danglam thar ‘delta plus’ variant chu India ram state 11-ah hmuh chhuah tawh a ni a, a kai nemngheh zat chu mi 48 an tling ta.
Delta plus variant hi Maharashtra-ah hmuh chhuah a tam ber a, mi 20 in an kai tawh a. Tamil Nadu (9) leh Madhya Pradesh (7) ten an dawt a. Kerala-ah pathum hmuh chhuah niin Andhra Pradesh, Odisha, Rajasthan, Karnataka, Gujarat leh Punjab-ah te mi 1 theuhvin an kai tawh a. UT zingah Jammu-ah pakhat hmuh chhuah a ni ve bawk.
He hri insiam danglam thar hi ram 12-ah an hmu chhuak leh der tawh a. India sorkar chuan state 11-a hmuh chhuah a nih takah hian tualchhungah bu a khuar leh mek niin a sawi.
Delta plus variant hi hri insiam danglam, delta leh beta te nihphung nei a nih avangin inkaichhawn a awlsamin taksaa natna do pawl paltlang theih dan a nei tha zawk tura ngaih a ni a. Hei vang hian mithiamte chuan ngaihven ngai zualah an dah a ni.
