Lalchhandama Ralte, MLA chuan a bial Tuivawl A/C chhung khaw hrang hrang tlawhin a fangkual a, an bial MLA ni tura thlangtlingtu bial chhung mipuite hnenah lawmthu sawiin, ram tan theihtawp chhuahin hna an thawk dawn a, Sawrkar khalh ngiltu ni turin Constructive Opposition hna an thawk ang a, chawl hauh lovin ram tan ke an pen dawn niin a sawi a; Bial vawng tura thlanchhuah a nih lehna kawngah Lalchhandama Ralte chuan, duhsakna a chunga an hlan chu lawmawm a tiin, amah thlangtu leh midang thlang zawk tute zawng zawng pawh bial mipui an nihna anga amahah tumah inthlahrung lo turin a chah a. Sawrkar hmasain bial chhunga hma a lakna hrang hrang kal mek te chak taka chhunzawm zel a nihna tura hma a lak chhunzawm tur thu a sawi a. Bialchhung hmasawnna leh harsatna kawng hrang hrang te a hnena inthlahrung lova thlen zel tur leh theihtawp a chhuahpui zel tur thu sawiin, a tih theih anga tlanchhe hauh lova bial tan leh ram tan aṭul apiang thawh zel a tum thu a sawi bawk.
