‘Sorkar hmasa-in School thenkhat dinhmun a tihdanglam te kha sorkar tharin a la ngaituah lo’ – Lalduhoma, CM
Vawiin khan Mizoram Provisional Adhoc School Association hruaitute chuan Chief Minister Lalduhoma chu a pisa-ah hmuin an harsatna tawhte an thlen a.
Chief Minister Lalduhoma chuan Sorkarin a theih ang angin school te tihhmasawn a tum dawn tih a lo hrilh a. Hetih lai hian hmanni lawka sawrkar hmasain school thenkhatte dinhmun a tihdanglam te kha sawrkar thar hian an la ngaihtuah hman rih lo tih sawiin sawrkarin zirna tihhmasawn chu a dah pawimawh hle dawn tih a sawi bawk.
Chief Minister chuan an sawrkar huna hman turin kum hnih leh a chanve chhung zet Education Policy tur an lo duang lawk tawh tih sawiin amah ngei pawhin Delhi sawrkarin school a kalpui dan te a lo zu ngaihven ve tawh thin nin a sawi a, an policy milin a tha thei tur ang bera herrem an tum dawn a, Education Minister-te nen uluk takin an la sawiho thin tepawh angaih dawn avangin tunah rih chuan engmah sawi theih a neih rih loh thute a sawi bawk.
Nikum kum tawp lama sawrkarin school thenkhat dinhmun a tihdanglam zingah khan tun hmaa Lump Sum School tih thin te chu Provisional Adhoc dinhmunah dah an ni a, an pawlah hian Higher Secondary School 34, High School 11 leh Middle School 7 an awm mek a ni.
