Vawiin khan Mizo Zirlai Pawl Executive Meeting chu MZP Conference Hall-ah neih a ni a, an president Pu H Lalthianghlima kaihhruai thu khawm chuan ram leh hnam him zawk nan hnam dang dan lova Mizoram-a eizawngte dapchhuah kawngah nasa takin MZP-in hma a la thin tih sawilan niin hetiang hunah hian ram hruaitu leh mi pawimawh zingah hnam dang thlavang hauh an awm thin chu MZP chuan pawi a ti takzet a, a dem takzet tih sawiin MZP chuan ram leh hnam him zawk nan a ni tih hriaa MZP hmalaknate thlawp zel turin mipuite a sawm a. Ram hruaitu hnam dang thlavang hauh ching an awm chuan an hming a puangzar hreh dawn lo tih an sawi bawk.
Vawiina MZP thu khawm chuan December 13, 2023-ah NIELIT Aizawl nen tangkawpin Aijal Club Park-ah Job Fair buatsaih nise a ti a, ram leh hnam hmangaihna kawnga thalaite harh thar nan leh hna zawnna kawnga thalaite inhrilhhriat nan ram pum huapin Nationalism & Career Awareness campaign December ni 15-a nei turin an rel bawk.
Vawiin thut khawmah hian MZP President Pu H Lalthianghlima chuan MZP Calendar 2024 a tlangzarh nghal bawk a ni.
