Political & Cabinet changtu Minister Lalduhoma chuan raltlante chu haw thei dinhmuna an din hma chuan thawn haw an ni lo ang tih Union Home Minister-in a tiam tih House a hrilh.
Vawiina Assembly House-a Robert Romawia, Hachhek bialtu MLA-in ‘Myanmar raltlante biometric enrollment laksak lo turin sokar hmasa cabinet meeting-ah rel a ni em?’ tih a zawhna chu Political & Cabinet changtu Lalduhoma chuan chhangin Myanmar raltlante biometric enrolment leh biographic lak chungchang hi 27.9.2023-a Council of Minister thukhawmin a ngaihtuah a, Mizoram state Assembly atana general eclection hmahchhawn mai tura an nih avangin Mizoram sorkar tan hmalak mai ngaihna a awm rih lo tiin thutlukna an siam tih house a hrilh a, zawh belhna a chhannaah Lalduhoma chuan Home Ministry-in nikumah biometric enrollment hi ti turin a hriattir a, sorkar hmasa-in ihe lovin Home minister thu zawmin an kalpui nghal tih a sawi a, eng emaw chen an kal hnuah offcial lamin inthlan a hnaih avang leh eng eng emaw thil fel lo a awm dawna an hriat avangin Home Dept-in Cabinet ngaihtuah turin an rawt a, inthlan dawn hnaiah cabinet chuan ti rih lo turin a ti ta niin a sawi a, sorkar ngai kha la sawrkar se chuan an a ti zo tep tawha a rin thu a sawiin Keini chuan kan tichhunzawm dawn lo’ a ti.
Lalduhoma chuan Union Home Minister hnenah raltlante hi an thawn haw dawn lo tih assuarance pe tura a ngen chu Home Minister hian lo pe-in haw thei dinhmuna an din hma chuan an thawn haw lo ang tih Home Minister hian a tiam niin a sawi bawk. Lalduhoma chuan Raltlante chu an theih ang tawkin an enkawl zui zel tih sawiin sorkar hmasaah cheng Vbch 3 pek an ni a, an hman dan erawh chu secret fund a nih avangin an hre lo tih a sawi a, Prime Minister leh Home Minister pawhin harsatna an tawh mek chu an hriatpui avangin sum leh paiah pawh an tanpui mek tih sawiin an thil phal viau niin a sawi bawk.
