Champhai Vengthar Khawtlangin hruaitute hnen atangin Maipawl thu dawn danin he thil hi vawiin tlaia thlenga a ni a.
Vengthar VC Member Pu Hmingsawipuia hian an veng chhunga awm ngai lo, a hmelhriat ngai loh tleirawl chu tunge a nih a zawt a, ‘Ngente’ khua a nih thuin a chhang a. Pu Hmingsawipuia chuan, ‘tu in luaha awm nge?’ a nih a zawh leh chuan, Raltlan tleirawl hian ‘I hriat ve a ngai lo’ tiin a chhang a. Zawh chian leh tuma a va pan hnai chu Pu Hmingsawipuia hi kut a lo thlak ta a ni.
He thil thleng hi Champhai Vengthar mipuiin an hriat ve leh an pungkhawm nghal a, khawtlang hruaitute’n VC House-ah khungin mipui thinrimin kut an thlak hmain Police-te hian an la ta a ni.
(Pawi khawihtu hi kum tling lo a nih avangin a hming leh a thlalak tarlan danin a khap avangin tarlan rih loh a ni. Raltlan ni mahse, thil thlenna hmun hi India ram a nih avangin dan kan bawhchhiat theih avangin chhiartute hriatthiamna kan ngen e.)
