Chief Minister Pu Lalduhoma’n Puan tahtute hmasawnna turin sawrkarin hma a la nasa dawn tih a sawi.
Vawiin khan Chief Minister Pu Lalduhoma chuan a pisaah Mizoram Apex Handloom & Handicraft Cooperative Society Limited (MAHCO) Board of Directors te chu a pisaah a kawm a. MAHCO hmalak dante leh hmachhawp an neih te a sawipui.
He hunah hian Chief Minister chuan, a bial chhungah puantaha eizawng an tam avangin an harsatna te pawh thui tak a hriatthiampui ve tih hrilhin, puan tahtute hmasawnna turin sawrkar pawhin hma a la nasa dawn tih a hrilh a, an harsatna leh an dinhmun te, hmalak zel an tum dante chu ziaka pe turin a hrilh a ni. Hlawhtlin ngei tuma ruahmanna an siamte chu a theih ang anga bawhzui sak a inhuam thu a hrilh bawk.
He hunah hian Pu Lalrinkima, Chairman, MAHCO chuan an dinhmun tlangpui leh harsatna an neihte sawifiahna a nei a. Hma lakna tura project siam te Central lama a luh thlak ve zel theih nan Mizoram sawrkarin hma lo laksak (approve) thin se an duh thin thu an sawi a, harsatna dang an neihte pawh an thlen bawk.
