Champhai Bethel VC leh Tlawmngai pawlte chuan an veng mi leh sa PS Muanga tualthih chungchanga a mawhphurtu mi 9-te chu an phu tawk hremna pek ngei an phut.
Vawiin khan Champhai Bethel Veng VC, YMA, MUP leh MHIP te chuan thu chhuah intawm siamin PS Muanga misual kut tuaraa thihna chungchangah an rilru a na hle tih sawiin he tualthihnaa inhnamhnawiah puh mi 9 te chua dan anga a na thei ang beta hremna pek ngei an phut thu an sawi a. He thihna chungchangah hian rorelna dik an hmuh ngei theih nan Bethel veng mipuite an tang zel dawn tih sawiin thu dik haichhuah a nih ngei theihna turin a thlenga an tan zel tur thu an sawi bawk.
MZP Hqrs Champhai pawhin PS Muanga thihna chungchanga mawhphurtute chu dan ang taka an phu tawk hremna an hmuh ngei an phut thu thu chhuah siamin an tarlang ve bawk a, PS Muanga thih dan diktak hriat chhuan ngei an beisei thu an sawi bawk.
PS Muanga thihna chungchanga mawhphurtua puh mi 9 te chu;
1. Lalruatthara s/o Zamawia, Champhai Kanan,
2. Vanlalpeka s/o Zamawia, Champhai Kanan,
3. Lalhriatpuia s/o Thantluanga, Champhai Vengthlanf,
4. Johnny Lawmsangpuia s/o R Thankhama, Champhai Electric Veng,
5. MC Zohmangaiha s/o MC Thangthuama Keifangtlang,
6. Lalrinenga s/o Zonunsangi, Keifangtlang,
7. Zarzoliana s/o Lalrintluanga, Champhai Kahrawt,
8. Lalfakmawia s/o T Lalenzuala, Champhai Tlangsam,
9. Lalrinmuana s/o Zoramnghinga Hmunhmeltha
Tarlan tawh angin March ni 29, 2025 Inrinni zan khan PS Muanga kum 28 mi Champhai Bethel Veng chu Chhangphut Field Pavilion atangin a tla a, damdawi in panpui a nih laiin a hliam tuar loin a thi a. He thihna thleng chungchangah hian insual rawnna a thleng ngei nia hriat a ni a. PS Muanga nu chuan a fapa thihna thleng chungchangah hian thil fel tawk lo a awm ni-a hriain Champhai Policd Station-ah FIR a theh lut a, Inrinni zan hian he thihna thleng chungchanga a mawhphurtua puh mi 9-te chu Champhai Police Station-ah Tualthah thubuai siamsak an ni.
