Champhai Police leh Assam Rifles tangkawpte hian Zokhawtharah Myanmar atanga phurh luh Heroin Hawng 198, Kg 2.393 a rit chu Tata Yodha Pickup atangin an man a, a neitua puh B Liansanga, Lunglei Chanmari ni-a insawi leh R Malsawmthaea, Tuipui, Champhai ni-a insawi te chu an man a; A neitua puhte hi ND&PS Act tlawhchhana thubuai siamsak an ni.
Vawiin vek khan Police leh AR tangkawp hian Zokhawthar atanga Myanmara Bike hmanga phurh kai tum Gelatin (neogel) stick 110 (14.084 kgs) leh detonator 110 an man bawk a, a neitua puh mi pahnih Biakrema leh A nupui Ramthazuali Khawmawi Myanmar ni-a insawi te chu a man bawk a ni.
Police te chuan heng case pahnih kaihhnawiha an mi mante hi thu an la zawt fiah zel dawn a, an thil man hi khawi atanga an neih nge tih leh a tul angte an chhui zui dawn a ni.
