‘Pathianin kan phurrit min chhawk turin tuna sorkar thar hi a ruat.’ – Zoramthanga, MNF Preisident
Vawiin khan Mizo Hnam Runah Exodus Day leh Hnam Run kharna hun hman a ni a, MNF President Zoramthanga’n thu sawiin MLA inthlana MNF Sorkar tlak chhan chu Pathian remruat vang zawk a nih thu a sawi a, December 16, 1971-ah Dhaka (East Pakistan) atanga hnam pasalthate chhanchhuahna ni ropui chu Exodus Day tih a nih thu sawiin Zoramthanga chuan, “Khami ni (Dec 16) khan Pathianin kan tawngtaina chhang lo se, Pu Denga leh hote kha hmelma kutah kan thi vek ang a, kan hnam movement hi a tawp daih tawh ang,” a ti a, MNF President chuan MNF chu Pathianin chak takin a siam ngai lo a, sinhmun sanga a dah pawhin an chapo loh nan a hnuk thla leh thin ni-a sawi bawk.
Zoramthanga chuan sorkar kalta chungchang sawiin Hripui karah sum harsatna – core fund (non-plan) manganna an tawk zui a, central atanga an hmuhna tur, lokal lo cheng vbc 3000 vel chu leiba chhipchhuan ang reng a ni a, non-plan indaih lohna hi Centre-in a hnawhkhat dawn lo a, non-plan indaih lohna hi phuhruk a ni ngai lo, peace bonus chiah kha phuhrukna la awm chhun a nih thu a sawi a, Hemi avanga beih a tawh thu sawiin development, candidate neih that pawhin awmzia a nei tawh lo a, Pathianin an phurrit min chhawk turin tuna sorkar thar hi a ruat ta niin a sawi bawk.
Zoramthanga chuan “Israel fate history ang deuhin MNF kalkawngah hian Pathian remruatna chhiar thiam a ngaih thu sawiin hei aia harsatna nasa zawk pawh lo thleng mah se, kan hnam thuthlungah hian nghet takin i ding tlat ang u,” tiin party mipuite a sawm a ni.
