Kawlkulh Jt YMA chuan thuchhuah siamin ‘February ni 22, 2025 (Inrinni zan)-a Nagaroor, Kerala-a Valetine VL Chhana (23) H Malsawmtluanga fapa, Pangzawl khuain vanduaithlak taka Lawmsangzuala, Vankhawpuimawia fapa Kawlkulh khua kut tuar a, nunna hlu tak a chan chu pawi an tih thu an sawi a, Valentine VL Chhana kalsan tak a chhungte leh Pangzawl khaw mipuite an tawrhpui tak zet thu an sawi a.
Kawlkulh Jt. YMA chuan an member-in pawi a khawihna chunghangah hian Valentine VL Chhana chhungte leh Pangzawl khaw mipuite leh Mizoram hmun hrang hranga he thihna avanga rilru na zawng zawngte chungah ngaihdam an dil a.
Hetiang Valentine VL Chhana’n nau ang maia a en laka thihna hial a chunga a thleng chu Kawlkulh Jt. YMA chuan an dem tak zet tih sawiin he thihna avanga rilru hliam zawng zawng te, thihna tuartu chhungkua leh Pangzawl mipuite hnenah an member-in pawi a khawihnaah hian thupha an chawi a, an rilru an tihnat naah ngaihdam an dil a. He thihna in a nghawng zawng zawngte chungah Pathian awmpuina thlengse tih chu Kawlkulh khawtlang tawngtaina a nih thu an sawi.
Kawlkulh Jt YMA chuan he pawikhawihna thlentu Lawmangzuala chhungte pawhin hrehawm an tih thu leh an zah tak zet thu sawiin Pathian awmpuina an chan theihna tur tawngtai pui turin Zoram mipuite an sawm bawk a ni.
