Nature Learning Centre, Champhai huaihawtin Champhai tuilakna Tuipui hnar tifaiin hnatlan a ni.
Nature Learning Centre, Champhai hian ni 3 chhung awh turin Cleanliness Drive leh River Conservation programme an kalpui dawn a, nimin khan a bul tanna atan Champhai khawpui tui lakna Tuipui lui hnar an tifai a, Tlangsam Kai, Zote Kai leh Zotlang kai-a bawlhhlawh langsar zualte chhar khawmin Zotlang Dumping ground-ah an paih nghal a ni. NLC staff-te chuan vawiina tuipui hnar an tihfainaa bawlhhlawh tam ber chu diaper chhia a nih thu sawiin hei bakah hian Ar leh Vawk thi bakah Oil chhia a tam hle niin an sawi bawk a, a vela chengte sawi danin private motor-in heng bawlhhlawhte hi an paih ber niin an sawi bawk.
Faina hnatlangah hian Champhai Forest Div hnuaia NLC Staff-te an thawk chhuak a, NLC Champhai hian Keilungliah hnar leh Tuipui hnar Champhai Kanan huam chhung a mi chu zirlaite nena tangkawpin an tifai leh dawn a ni
