Indo-Myanmar border trade point, Zokhawthara bungraw lut leh chhuak reng reng chu naktuk Ningani atangin tihtawp a ni dawn.
Maipawl thudawn danin bungraw lut leh chhuak reng reng tihtawp tur thu hi Customs Preventive Force chuan a chhan tarlang lo mah se, an hmunpui lam atanga an thudawn bawhzuina tur nia hriat a ni a. Mihring vei vak khuahkhirh tumna erawh a awm lo a, Zokhawthar kaltlanga sumdawnna hi dan anga bungraw lut leh chhuak tur tan erawh chuan hawn a ni thung ang.
Tuna bungrua veivak zawng zawng tihtawp a ni tur hi tun hnaia Gauhati High Court-in kuhva rah ro tawlhna, CBI chhuitir tura a tih nghawng pakhat nia hriat a ni. Bungraw lut leh chhuak tur dan hun chhung tur hi hriat a ni rih lo a, Zokhawthar mai bakah Ramri kai dangah pawh bungraw lut tur dang hian Custom Preventive Force hi an duty dawn ni-a thu dawn a ni.
Hetih rual hian Myanmar atanga sumdawng bungraw kalna ber kawngpui International border Trade Road- paltlang Lei pahnih Laitui leh Tedim inkara Run Lei leh Teddim leh Tonzang inkara Zalui Lei te chu thla hmasa June ni 8 khan Bomb hmanga tih chhiat a nih avangin sumdawng bungruate kawngpui pangngaiha phurh tlang theih a ni lo a. Tahan atangin Falam lamah kalpui niin kawng a thui bakah Fur ruahsuar nasaa avanga kawng a chhiat avangin bungrua hi ni dang angin a thleng chak thei lo a, a phurh man a san avangin Ramri-ah leh Mizoram chhung hmun hrang hrangah Myanmar bungrua a to hle a, Bungraw lut tur dan a nih chuan Myanmar bungrua Mizoram lama chhek khawl sa te pawh a to belh rin a ni.
