‘Mumal taka Hmunphiah hralhna a awm loh avangin kut hnathawktute phurrit a thleng’ – MPCC Treasurer, Dr. Mala
MPCC Treasurer Dr. Lalmalsawma Nghaka chuan Kolasib District-a Hmunphiah chingtuten Hmunphiah hralhna kawngah harsatna an tawk chu pawi a tih thu a sawi.
Dr. Lalmalsawma chuan, Kolasib District-a Hmunphiah chingtuten Hmunphiah hralhna kawngah harsatna an tawk chu pawi a tih thu sawiin, Sorkarin Hmunphiah lei turin RR Associates, Kamrup Assam thawhpui a, Hmunphiah Ro kg khat Rs.100/- aia tlawm loa lei sak tura ruahmanna a siam chu thil lawmawm tak angin lang mah se Hmunphiah a hringa hralhtu hi tam tak an nih avangin a hralhna chungchangah kum dang aiin harsatna an tawh nasat phah zawk niin a sawi a, Dr. Lalmalsawma chuan, nikum 2023 January-Febuary-ah kg khat-ah Rs. 50 a ni zet a, a to hnuah Rs. 60-in an hralh a, kuminah erawh Kg khatah Rs. 34 a ni thei tawk ni-a sawiin Sorkarin hmunphiah man a Ro Kg khat Rs. 100-a a siam chu a ro-a pek tur a nih si avangin hmunphiah hralhtute tan nikum 2023 lama a hringa an hralhna aiin a rate a chhiat zawk avangin kumdang aiin an hlawk lo zawk a, mumal taka a hralhna a awm theih loh avangin kuthnathawktute phurrit a thlen phah niin a sawi a, Aitlang vela Hmunphiah chingtute Hmunphiah chu Assam Police in an keh sak thin chu pawi a tih thu sawiin Sorkarin a rang lama hma laksak thuai turin a ngen tih a sawi bawk.
Dr. Lalmalsawma chuan, sakhaw dang betute’n nunna tam tak an chan phahna Uttar Pradesh state-a Hindu Temple Ayodhya January ni 22, Thawhlehni-ah hawn a nih thu sawiin Madhya Pradesh State-ah Kristian te an chep zual takzet a, Anti-conversion Law behchhanin Kristian te man 500 dawn 2023-2024 January chhungin man an ni tawh tih a sawi a, Kumin 2024 MP inthlan kuma BJP sorkarin Hindu-te Hindu-na chawhthawh an tumna hlauhawm tam tak zingah India pawisa note-ah pawh Mahatma Gandhi thlalak aia Hindu pathian Rama thlalak chuan tir tumin hma an la mek ni-a sawiin Hindu pathian chuang pawisa hi Kristian te’n Pathian ram thawhlawma kan thawh a ngaih lohna turin Mizorama Kristian te tanho chu tihmakmawh a nih thu a sawi bawk.
