MPSC hotute chuan MPSC hna lakah sawiselna lian tham a awm hriat a nih ngai loh thu sawiin MPSC-in hna a laknaah dik leh fel fai taka kalpui thin a nih vang niin an sawi.
Mizoram Public Service Commission (MPSC) hotute chuan vawiin khan thu thar thehdarhtute kawmin MPSC hotute chuan tunhnaiah media hrang hrang leh social media-ah MPSC exam kalphung chungchang leh a bik takin MCS (Combined) examination 2023 chungchangah thu lengvak a tam tih an sawi a, hei hian exam beitute rilruah leh mipuite ah boruak tha lo leh hlauhthawnna a thlen palh theih tih an sawi a, MPSC hna lakah sawiselna lian tham a awm hriat a nih ngai loh thu leh chu chu MPSC-in hna a laknaah dik leh fel fai taka kalpui thin a nih vang niin an sawi.
Exam chhana paper endik chungchang sawifiahin Evaluator pathum an awm a, Mark pekna tur table-ah chuah mark dah a, Answer sheet chhunga mark pe lo tura hrilh ni mah se, Answer paper-a mark pek palh awm thin chu thai chhiata hnawih var thin a nih thu an sawi bawk.
MCS (combined) exam 2023 chungchang-ah Gauhati High Court, Aizawl Bench-ah Writ Petition thehluh a ni a, he exam chungchanga MPSC laka lungawi lohna neite thu hi court in dan angin a rel fel tura a inchiah mek thu sawiin MPSC exam leh a hnathawh chungchanga hriat duh nei a piang chuan thawktute hnenah zawh fiah theih reng a ni tih an sawi a.
MPSC hotute chuan MPSC chu state hnuaia hna lakna mawhphurtu sang ber a nih avangin mipuite’n rinna an nghah chu thil tul tak a nih thu sawiin India Constitution-in MPSC mawhphurhna a pek ang ngeiin tha taka hna thawk turin theihtawpin hma a la zel dawn tih an sawi a, MPSC exam leh a hnathawh chungchanga hriat duh nei a piang chuan thawktute hnenah zawh fiah theih reng a ni tih an sawi bawk.
