Vawiin khan Lalruatkima, Aizawl West II bialtu MLA chuan Tuikual South MHIP Building, MLA Fund ₹551934/- leh Dy. Mayor R Thanglura fund hmanga sak chu a hawng. Hawnna inkhawm hi H Lalawmpuii, Tuikual South MHIP President-in a kaihruai a ni.
Lalruatkima chuan Chhungkuaa dinhmun pawimawh tak chelhtu chu hmeichhia an nih thu sawiin tunlai hian hmeichhia leh mipa kan in tam hleih ta hle a, Death rate en pawhin mipa kan thi nasa em em mai a, hei hi a pawi tak zet a ni a; kan hriselna lam thuah pawh Mizo mipate kan inenkawl uluk lehzual a ngai hle a ni,” a ti.
Lalruatkima chuan Eizawnna leh sumdawnna lamah pawh Mizo hmeichhiate indaih zai ta hle ni-sawiin ‘khawiah nge Mizo mipa kan awm tak? tih tur hial a ni ta a ni’ a ti. Mizo mipate’n chak lo zawka ngaih hmeichhiate aṭang hian kawng hrang hrangin zir tur an ngah thu sawiin Taimakna, tumruhna, teirei peihna leh kawng hrang hranga Mizo mipate’n hmeichhiate kan entawn a ngai ta hial zawkin a lang a ni,” a ti.
Lalruatkima chuan MHIP, Tuikual South-in duhsak taka an Building an hawn tir chu lawmawm a tih thu a sawi a. Mizoramah NGO ṭha tak tak an awm a, sorkar leh kohhrante nen NGO hi ṭangtlangin Zoram tan an ṭangkai takzet a. Heng lungthu pathum avang hian kan ram leh hnam leh sakhua pawhin a him phah a, hripui len lai pawhin an ṭanrual ṭhat zarah a damkhawchhuak theih niin a sawi bawk.
