Vawiina House-a thu a sawinaah Health Minister Pi Lalrinpuii chuan Social Security-a an policy atangin mitthi ruang phurh sorkarin mawhah a la dawn tih a sawi a, hun hmasaa MLA-in harsa an tih thin mitthi ruang phurh chu budget-ah revise estimate-ah telh nghal a ni dawn tih a sawi bawk.
Health Minister chuan Health care scheme an ngaipawimawh em em tih sawiin sorkar thar lakluh tukah Chief Minister-in Vbch 40 leiba atan a rul nghal a, chumi baka leiba chu an pe nghal zel dawn tih Chief Minister hnen atanga a hriat thu leh lawmawm a tih thu a sawi a. Health care scheme tha zawk leh a tha ber chi an siam dawn tih sawiin drafting pawh an ti tan nghal niin a sawi bawk
