Maipawl thu dawn danin April ni 23, 2024 zan dar 11:30 vel khan PC Lalringzuala, kum 68 mi Champhai Zotlang chuanna, an lirthei Tata Yoda chu Zokhawthar atanga an haw lam chu Melbuk leh Mualkawi inkarah kawm thlangah tlan liamin Main road hnuaia kawngah an tla thla a, PC Lalringzuala hian hliamna tak a tuar a, a ring ruh a pelhsawlh nia hriat a ni. A driver erawh chuan hliamna lutuk a tuar lo thung.
PC Lalringzuala hi enkawlna tha zawk dawng turin Aizawlah phurh thlak a ni a, ZMC-ah enkawl niin vawiin tlai dar 4:10 khan a hliam tuar loin a thi a ni.
A ruang hi an khua Zotlang panpui niin zaninah lumen a ni ang a, naktukah vuiliam a ni ang.
