Vawiina Central YMA Committee Room-a Mizoram Kohhran Hruaitute Committee, Political Party-te leh tlawmngai pawte Joint Meeting chuan hripui leng mek do letna kawnga hmalak ho dan turah hetiang hian thutlukna an siam:
- Hripui dona kawngah pheikhai rual zawka tan lak a nih theih nan sorkarin All Party Meeting koh ni se.
- Vaccine pek chhuah a chak thei ang bera kalpui chhunzawm nise. Mipui pawhin SoP leh CAB (Covid Appropriate Behaviour) zawm that ni se.
- Hri kai rang taka hriat chhuah theih nan endikna chak taka kalpui ni rawh se.
- Kuthnathawktu ten an thlai tharte awmze neia an tihral theih dan tur sorkarin ruahmanna siamsak rawh se.
- Sorkarin hrileng mek do nan hriselna kawnga kan mamawhte tha leh changtlung zawk kan neih theih nan hma la rawh se.
- Hrileng vanga kan harsatna tawh mekte inchhawk zangkhai a nih theih nan in leh awr luah man inngaihnathiam ni se. BPL leh AAY chhungkuate chu sorkar Bill hrang hrangte ngaihnathiam rawh se.
