MBSE in HLSC Result a tihchhuah takah Mizoram pumah mipa aiin hmeichhe candidate an tam zawk a. Mipa 8776 in exam an chhan laiin, hmeichhia 9962 in an chhang ve thung.
Pakhatna chu mipa a ni a, top 10-a mi 13 lang zingah hmeichhia an tam zawk a, mi 7 an lang thei. A pumpui thlirin hmeichhiate an ti tha zawk bawk.
Mipa candidate 8776 atangin distinction-ah mi 1277 an passed thei a, 15.30% a ni. Hmeichhe candidate 9962 atangin 1627 an passed a. 16.83% chu distinction-ah an passed.
1st division-ah mipa 2304 (27.6%) an passed a, hmeichhia 2914 (30.14) an passed thung a. 2nd Division-ah mipa 2236 (28.79%) an passed laiin hmeichhia 2627 (27.17%) an passed a. 3rd Division atangin mipain an rawn lehpel, 1006 (12.05%) an passed a. Hmeichhe lam erawh chu 856 (8.85%) an ni.
Mipa candidate 1380 (16.53%) an failed laiin hmeichhe candidate 1476 (15.27%) an failed ve thung.
Letter mark (80% +) hmuh tam lamah pawh subject tinah hmeichhia an chungnung fai vek. English-ah mipa 981 (11.75%) in letter mark an hmuh laiin hmeichhia 1508 (15.60%) an hmu. MIL-ah mipa 1165 (13.87%) in mark 80 chuang an hmu a, hmeichhia 2236 (23.13%) in an hmu ve thung.
Mathematics-ah mipa candidate 894 (10.71%) in an hmuh laiin hmeichhia 1091 (11.28%) in an la rawn hmu leh ta tho! Science-ah mipa 862 (10.32%) leh hmeichhia 1004 (10.38) in letter mark an hmu a, mipain an tluk teuh ber tum a ni. Social Science-ah mipa 1802 (21.59%) leh hmeichhia 2121 (21.94%) ten letter mark an hmu a, an inthlauhna chu 0.35% a la ni ta fan.
Subject tinah hian mipain hmeichhia an khumna chu 2nd Division mark (50%-59%) leh a hnuailamah deuh chauh a ni.
