June 18, 2024 ; All Mizoram VC Association chuan thu chhuah siamin June ni 10, 2024-a Southern Headquarters ZPM Lunglei chhung inkhawma Health Minister Lalrinpuii thusawi Media lama lang ” VC te’ n Sorkar an thawhpui that duhloh vanga VC Term pawh pawh tawi a nih mai theih thu’ lang chuan AMVCA te a barakhaih tak zet tih an sawi a.
AMVCA chuan VC te chu India ram ropui tak Democracy lungphum pawimawh tak pathum (3) Central, State leh Local Goverment zinga pakhat, Democracy Grassroot anlo tih hial, tualchhung Sawrkar ,”The Lushai Hills District (Village Council) Act.1953″ hmanga rorel tura mipui ten kum 5 atana an thlan chhuahte an nih thu sawiin he danin thuneihna a pekte leh Central leh State Sawrkarin Programme & Policy hrang hranga Agency atana an hmanna kawnga tha taka thawh chu an Duty, VC atana thlan an nih chhan a nih thu an sawi a.
AMVCA chuan An duty tihhlawhtlinna kawngah mahni hna pawh thawk hman lek loa khawtlang leh ram tana an buai ve em em laia hetiang thu an hre ta mai chu mak an tiin a thawng tak zet tih an sawi a, Health Minister-in Sawrkar thawhpui duhlo VC a tihte hi khawi VC nge ni a, eng kawngin nge an lo thawhpui duh loh tih hrilh turin an ngen a. AMVCA anga lo in zilh a, tha taka Sawrkar thawhpui tura lo infuih thar leh hi an inpeih reng a ni tih Health Minister hian lo hriat sak se an duh thu an sawi bawk.
AMVCA chuan Village Council Term chu Panchayati Raj System Central Sawrkarin a siam zulzuiin kum 5 term tura tih a ni a. State Sawrkar hian a duh chuan pawt tawiin pawtsei thei mah se, chhan tha tak neia tih tur ni ah an ngai tih sawiin Village Council din tirh ata Covid-19 vanga thla 5 chhung MNF Ministry in a pawhsei bak kha VC Term kal lai tih danglam hi Sawrkar kal tawh ten an la tih ngai loh ni-a an hriat thu sawiin chhan bul bal sawi tur tak hre silo a,” VC te’n min thawhpui tha duhlo”, tih chhuanlam mai maia mipui ten duh taka an thlan ve tho VC te term pawh tawi sak tum niawm taka ngaihtheih thu lo lang ta chu tha lo an tih thu an sawi a; Village Council zahawmna tihbawrhbanna leh Democracy pawngsualna ah an ngai tlat tih sawiin Sawrkar-in a thawhpui a duh phawt chuan an inhawng em em zawk niin an sawi bawk.
