June 3, 2024 :
MZP-in Mizoram Sawrkar hnuaia Dentist (Ha doctor) hnathawk zingah document lem hmanga hna hmu an awm ngei niin an hria a, chhui chiang tur leh a tul anga hmala turin Health Minister an ngen.
Mizo Zirlai Pawl (MZP) General Headquarters, Aizawl Executive Committee chu vawiin chhun dar 11 khan MZP Conference Hall-ah an thukhawm a. MZP President Pu H Lalthianghlima kaihhruai thukhawm hian Mizoram Sawrkar hnuaia Dentist (Ha doctor) hnathawk zingah document lem hmanga hna hmu an awm ngei niin MZP chuan a hria a, he thil hi enzui a, chhui chiang tur leh a tul anga hmala turin MZP chuan Health Minister an ngen nghal a. Sawrkar hmalakna hi ni 21 June, 2024 (Zirtawpni) thleng a ngaichang dawn tih an sawi bawk.
thukhawm chuan Mizoram University (MZU) hnuaia Group B leh C post hrang hrang hna lak tura written exam pek vek tawh, thla kua (9) ral hnuah pawh result la tihchhuah loh avanga thalai hna zawng mekte manganna chu MZU hotute biak pawha, enzui ni se an ti a, tun hma atanga zirlaite’ n harsatna an lo tawh fona, Zirlaibu sem chungchang ngun takin a ngaihtuah a, a hun taka zirlaite’n an zirlaibu an dawn theih nan a tul anga hmalak a, enzui nise an ti bawk a, Zofate hnam inkawmpui lian “Zofest 2024” vawi-10 na thleng turin West Phaileng a ruat nghal bawk.
