Champhai Vengthlang Middle School Eco Club huaihawtin vawiin khan Champhai khawpui tuilakna Tuipui hnar hnatlanga thenfai a ni.
Lui hnar tifai hian Govt Vengthlang Middle school zirtirtu 13 leh zirlai 180 an thawk chhuak a; tuipui hnar Champhai leilet zawl luang, Zote leh Zotlang inkara bawlhhlawh awm te an chhar fai a, an bawlhhlawh chhar khawm hi PHE Dept-in a paihna hmunah lirtheiin an paihsak a ni.
Govt Vengthlang Middle School Headmaster Pu Lalvena Khiangte chuan bawlhhlawh an chhar zinga tam ber chu tui um ruak a nih thu sawiin heng bakah hian Thermocol leh thil eina kawr sarang a tam hle niin a sawi bawk.
