EF&CC Minister tharin a Dept chan hnuaiah eirukna leh hlemhletna a rem loh tur thu a sawi.

Vawiin chawhma dar 10:30 khan Pu Lalthansanga, Environment, Forests & Climate Change changtu Minister chuan a Office MINECO Block A ground floor Room no. 009 & 010 chu a luah lut a.

Minister Pu Lalthansanga chuan a Department enkawl tur pali-te chu Department pawimawh tak tak a nih angin Project siam kawngah pawh tan lak nasat a ngai dawn hle a ni a ti a. A department enkawlna hnuaiah eirukna leh hlemhletna a rem loh tur thu sawiin a pa thuchah pahnih eirukna-a a inhnamhnawih chuan a tuithlar tur thu leh a pa thlah a nih zel a rem tawh loh tur thu avang pawhin eirukna kawngah a inhnamhnawih ve ngai loh tur thu a sawi a. Zoram mipuite tawiawmna a ngen nghal bawk a ni.