Pathian Kohhran – Church of God (Seventh Day) Mizoram Conference chuan kumin a a vawi 2 nan November ni 26, 2023 (Sunday) khan Khatla South-a an biakinah General Executive Committee an thu khawm
General Executive Committee hian Missionary post turte, Pastor lakbelh chungchangte, Thawhlawm ip siam danglam dan turte, Nau piang lawmpuina rualkhai zawk a siam chungchangte, Zirna uar zawk a kalpui te, Youtube channel enkawl dan tur te, Chhung inkhawmbu buatsaih chungchangte an rel a, Pathian Kohhran thurin leh inkaihhruaina dan English leh Hindi tawng a siam chu an pawm bawk a ni.
Meeting-ah hian Mizoram Conference General Secretary Upa Lalhruaizela Fanai chuan Church of God (Seventh Day), International Federation inkhawmpui November ni 13 -18, 2023 chhung a Port Harcourt, Nigeria-a neih report a pe a ni.
