Synod Hospital, Durtlang-a damlo, an damdawi In awmna man pe thei lo, khawsak harsa chhungkaw 535 te awm man bat tling khawm Rs. 1,19,57,391/- chu Synod Charity Fund aṭanga peksak an ni.
Hospital Director Dr Lalṭhakima hnen aṭanga thu kan dawn danin damlo awm man pe thei lo te sum bat tlingkhawm hi tunah hian Cheng Nuai 319 vel a la ni a. Hei hi kum engemawzat kalta aṭanga awm man pe thei lo chhungkaw engemawzat te ba tlingkhawm tawh a ni.
Hospital Chatity Fund hi Kohhran leh mimal ṭhahnemngai te zarah kumtin a lo lut tam tial tial a. Mi harsa zawk te ṭanpui kawngah pawh hma kan sawn hle a. Ba rulhsak tur pawh a tlem ve tial tial zel a, Pathian malsawmna kan dawng nasa khawp mai, tiin Director chuan a sawi.
Kumina Pawisa peksak chhungkaw 535 aṭang hian chhungkaw 161 chu Presbyterian ni lo, Kohhran dang an ni.
