Champhaiah nikhatah tui litre Nuai 28 mamawh a nih laiin nikhatah litre Nuai 19 chiah pump theih a ni

June 25, 2024 : Champhai khawpuiah nikhatah tui litre Nuai 28 vel sem chhuah thin a ni a, fur tui nu avangin litre Nuai 19 chiah ni khatah pump theih a ni.

Champhai khawpui chawmtu Tuipui lui chu tui a len avang leh thlitfim zawh loh khawpa tui a la nut avangin lui te zawk Fal-lui pump thin a ni a, tui a tam tawk loh avangin ni khatah darkar 3 te nghah khawl a ngai thim a, Fal-luiah ah hian nikhatah tui litre Nuai 19 vel pump thin a ni a, Champhai khawpuiin nikhatah tui litre Nuai 28 vel a mamawh thin a, tui mamawh zat pump chhuah zawh lo a ni nasa hle a, PHE Dept hotute chuan Fur chhung chu Fal – Lui chauh pump theih a nih avang leh Tuipui lui hi engtia rei nge tui hi pump theih a nih dawn loh hriat a nih loh avangin tui dahkhawm lama tan la tur leh tui ren turin mipuite an ngen a ni.