Champhai Police-in lirthei hnuaia thuhruk Heroin Kg 1 chuang an man.
Vawiin khan Champhai Police-te hian Champhai Police Checkgate, Chalbawia Junction paltlang tur lirthei an endik pahnih atangin ruihhlo phurhna tura siam danglam lirthei hnuaia thuhruk Heroin an man a.
Pahlira, Bukvannei, Saihapui Kolasib District ni-a insawi khalh atangin Heroin Kg 1 leh Gram 124 a rit an man a, Lalramngaia, Dinthar Veng Champhai ni-a insawi khalh atangin Heroin Gram 98 a rit an man bawk.
Heroin neitua puhte hi ND&PS Act hnuaiah thubuai siamsak an ni a. Heroin Kg 1 leh Gram 124 a rit neitua puh Pahlira hi Court-in thiam loh a chantir a nih chuan Kum 10 aia tlem lo lung in rang tur leh pawisa cheng nuai 1 chawi tura hrem theih a ni.
