MPSOA thuchhuaha tarlan a nih danin Ni 13.01.2024 zana Champhai, Khankawn Police Check Gate-a duty officer/IO anga insawi a, sorkar tihmingchhe zawng leh Police hmel tibal thei zawnga whatsapp message viral vak chu MPSOA chuan zir chiangin khami zana duty officer irawm chhuak a nih loh thu chiang takin an hriat thu an sawi a; hetianga thu dik lo post-tu hi dan anga hremna pek ngei ni se an tih thu leh MPSOA chuan dikna humhalh turin theihtawp a chhuah zel dawn a, Smuggler-te leh mi huamhauh tlemte avang a Police hmai tihbalh a phal ngai dawn lo tih an sawi bawk.
Mizoram Police-te chu thuruk vawn kawngah rinawm tur leh social media an hman danah pawh fimkhur leh zual turin MPSOA General Headquarters chuan an member zawng zawng an ngenin a chah nghal bawk a ni.
MPSOA chuan an Motto-ah ‘Dikna Humhalh’ tih a nih angin illegal smuggling chungchanga Chief Minister leh Home Minister hmalakna chu zaah za an thlawp tlat tih sawiin Kum thar tir thla chanve pawh a ral hmain Ruihhlo (Heroin No.4) Rs. 31 lakhs man hu leh Kuhvarah 624 bags (41,470kgs) lai mai Mizoram hmun hrang hrangah Police te’n an man thei chu lawmawm an tih thu an sawi a, Dan lova sumdawnnate titawp tura Home Minister hmalakna chu tha an ti a, ram siam thatna kawngah Mizo mipuite leh NGOs hruaitu hrang hrangte tawiawmna an ngen nghal bawk a ni.
