Khuangphaha chhawhchhi chingtute hnena atanga Maipawl thudawn danin Khuangphah khuaah hian chhungkaw 70 velin Chhawhchhi an ching a, an chhawchhi chinte hi an seng fel vek tawh a, mimal sumdawng hneah Kg 1 cheng 100 in hralh chhuak mahse, an thar chhuah lei zawhsak theih an awm loh avangin Champhai North bialtu MLA Er. Ginzalala hnenah a hralhna zawnsak turin an ngen a, Er. Ginzalala hmalakna hian Food Processing Company chuan Kg 1 Cheng 80-in an leisak a, a thawhkhatnaah hian Company lam lirthei ken phurh zawh tawk Qnt 15 an leisak phawt a, la hralh loh Qnt 80 vel an la neih chu kar lehah an leisak chhunzawm leh dawn a ni.
Khuangphah bakah hian Vaikhawtlangah pawh chhungkaw eng emaw zatin Chhawhchhi hi an thar chhuak bawk a, Company lam nen hian an la indawr mek bawk a ni.
