Champhai District Hospital-ah Gynea Doctor a rang thei ang bera dah a ni dawn – Health Minister

Vawiin khan Champhai North Bialtu MLA Er. H. Ginzala chuan Health & Family Welfare Department Minister chu hmu in Champhai North leh Champhai District mamawh hrang hrang a sawi pui a, Pi Lalrinpuii chuan Champhai District Hospital ah Gynea Doctor a rang thei ang bera dah a nih tur thu a lo hrilh a, Primary Health Care ngaih pawimawh a nih tur thu leh thawktu mamawhte pawh a rang thei ang bera hnawh khah a nih thuai theihna tura hmalak a nih tur thu alo hrilh bawk.

Er. H. Ginzalala, Champhai North Bialtu MLA chuan Tourism Minister Pi Lalrinpuii hnenah Champhai District tan Swadesh Dakshan Tourism Project chungchang a sawipui a, Tourism lama hmasawnna tura scheme awm apiangte hmanga tan lak a ngaih thu a hrilh a, Minister chuan a rang thei ang bera hma a lakpui tur thu a lo hrilh bawk a ni.

Minister a hmuh zawh hnuah Er. H. Ginzalala chuan Health Department hotute a kawm nghal a, an bial chhunga mamawh hrang hrangte a sawipui nghal bawk a ni.