Myanmar Sipai, Tuibual camp atanga Mizoram lama rawn tlan lutte chu vawiin chawhma lam khan Indian Airforce Helicopter hmangin Vaphai atanga phurh chhuah an ni a, Myanmar sorkar thuneitute hnenah hlan an ni.
November ni 15, 2023 khan Champhai District a Vaphai chhak lawk, Tuibual khuaa Myanmar Sipai Camp chu Mipui sipai an tih, PDF ten an bei a, He Camp a Myanmar sipai 29 te chu India ramah rawh tlanchhiain November ni 16, 2023 khan Mizoram police, Aasam Rifles leh Vaphai khawtlang hruaituten lo dawngsawngin, Assam Rifles Camp ah dah an ni a. Khaw awmdanin a zir loh avangin an ram lamah thawn let theih loh a an awm hnuah vawiin chawhma Dar 11:00 vel khan an ram lamah an ralthuam kawl laite nen IAF Helicopter pahnih hmangin thawn kir an ni ta a ni a, tum thim thiar an ni.
Thu dawnnain a sawi zel dan chuan Vaphai bul, Saikhum phaia rawn tlanchhia, Leilet khuaa chhungkaw 63 te pawh an mahni khaw bu lum luah turin an kir leh tawh a ni.
