Zokhawtharah Raltlan mi 6201 an awm mek a, Zokhawthara raltlan enkawltu VLCMR chuan harsatna an tawk tih an sawi.
Vawiin khan Mizoram Apex Bank chuan Zokhawthar raltlante chhawmdawlna turin Zokhawthar VLCMR kutah Cheng Sing 1 an hlan a, VLCMR hian heng tanpuina an dawnte hi a mamawhte hnenah an sem chhuak leh dawn a ni. Zokhawthar VLCMR chuan raltlante chhawmdawlna tur an dawn mumal tawh loh laia tanpuina an dawng chu lawm thu an sawi a ni.
Zokhawthar VLCMR hruaitute’n Maipawl an hrllh danin raltlan hi nitin deuh thaw luh belh an la awm a, an chhinchhuah hnuhnung berah raltlan hi mi 6201 an awm mek a, Zokhawthar raltlan Camp an siam 6-ah mi 3290 awm mekin mi in luaha awm leh chhungte bel mi 2911 an awm mek a; tanpuina an dawn mumal loh avangin khawtlang pawhin harsatna an tawk tan mek niin an sawi bawk.