Zokhwthar Police leh Assam Rifles tangdun hian nimin khan Zokhawtharah Joint Operation neiin Tiau Lui, Vawkte Kai-a Mynamar atanga Bike hmanga rawn phurh Bomb siamna hmanrua Electric Detonator Bundle 60, avaiin 3000 leh Cordtex Roll 2, Metre 375 a sei ve ve bakah Rifle Sling 21 an man a, he mi kaihhnawihah hian a neitu ni-a rinhlelh Bike khaltu leh a mi phurh Lalrinmawia leh Lalrammuana Tahan, Myanmar ni-a inchhalte chu an man a. Zokhathar Police Station-ah thubuai siamsak niin Champhai District Court-a hruai an nih hnuah lung inah khung nghal an ni.
Pawikhawihtua puha hming pahnih lang: Vanlalngurchhawna leh Lallungmuana te chu he thubuaia witness zawk an ni.
He tih rual hian Assam Rifles leh Custom Preventive Force Champhai tangdun te chuan Myanmar atanga dan lova lak luh Beer Case 5 leh Korean Zu Case 59 a vaiin cheng Nuai 10 leh Sing 5 hu an man bawk a, dan anga hmalak chhunzawm turin Custom Preventive Force Champhaiin an kawl zui a ni.