July 29, 2024 : Zokhawthar Police-in Saphur kawr (Pangolin scale) Kg 10, Cheng Nuai 10 hu an man chu Champhai Forest Division kutah an hlan chhawng.
Zokhawthar Police-te hian July ni 25, Ningani khan immigration Check Post-ah paltlang tur Rosiamliana, Myanmar Khawmawi ni-a insawi hnen atangin heng saphur kawrte hi an man a, Rosiamliana hian immigration check post-a in report lova kaltlang a tum avangin Police-te hian ringhlelin an man ta a ni.”
Zokhawthar Police-te hian dan anga hmalak zui turin June ni 26 khan Champhai Forest Div. kutah an hlan chhawng a, Saphur kawr tawlhrutu-a puh Rosiamliana hi Wildlife Protection Act 1972 hmanga thubuai siamsak a ni a, Chief Judicial Magistrate hnenah complaint an siam tawh bawk a ni.
DFO Champhai Lalbiakchama Chawngthu chuan Saphu khawr hlut zawng hi Kg 1 ah cheng nuai 1 hu zel a ni a, China ramah damdawi siamna hmanrua tura tawlh luh thin a nih thu a sawi
Saphu hi ramsa humhalh bik Schedule 1 niin a neitua puh hi thiam loh chantir a nih chuan kum 3 atanga kum 7 chhung lung in tang tur leh a tlem berah cheng Sing 2 chawi tura hrem theih a ni.