Ziona a thi tih an Kohhranin a puang ta

**Update**

• Pu Ziona thlaktu tur chu tun dinhmunah hriat theih a la ni lova, Kohhran committee in an la rel dawn.
• A vui hun tur relfel a la awm lova, an zalhna tur erawh chu tukthuan eikham atang khan siam niin hmun pawimawh lai, Chhuan Thar Stadium-a pangper lai chu ruahman a ni.

Khawvela chhungkaw tam bera an pa, Baktawng Chhuan Thar venga cheng Pu Zionnghaka chu a thi tih a Kohhranin puang chiang ta.

Pathianni tlaia a thi tia doctor puan tawh, a mar a la awm tia Kohhranin nimina thuchhuah an siam hnuah Pu Ziona (77) chu Thawhtanni zan dar 9 khan a boral tiin Lalpa Kohhran Thar chuan thuchhuah an siam a. Vui hun leh tul dang chu inhriattir leh a ni ang tih an sawi.