Nizan dar 12:30 vel khan Zarkawt Venga RPS Inchungber (Assam type) aṭangin kangmei a chhuak a. Kangṭhelh pawl ten rang taka ṭhelhin hmun dang kang kai loin ṭhelh mih a ni.
He In hi Dawrpui leh Zarkawt inrina bul, Millenium Centre thlang lawk, kawngthlang lama awm a ni a. Nizana kang ta hi an inchhawng chungber, Godown atana an hman, bungraw chi hrang hrang an dah khawmna a ni a. Mihring riak leh khawsa an awm lo.
Zanrei, mut hnu a nih vangin kangmei chhuak hi hriat mai a ni loh avangin a lo kang nasa hman deuh a, a hnuaia an fapa room te pawh a tichhe nual a. Bungrua leh thil hlu engemawzat chu mei sa avang hian a chhe tel bawk.
Kangmei chhuah chhan hi hriat a ni lo a. Bungraw kang chhia hlut zawng pawh hi hriat a la ni lo.