February ni 12-a VC inthlan lo awm turah Champhai District chhunga VC 62-ah VC candidate mi 766 an awm. VC incandidate tura hming pe lutte hi endik an nih hnuah General Seat-ah mi 571 in VC chuh turin hming an pe lut a, Reserve Seat (Hmechhia-ah) mi 195 in hming pe lutin Party behchhan nei lo Independent Candidate-in mi 39 an ding dawn bawk a, an vaiin mi 766 in hming an pe lut a ni.
Vangchhiaah chuan inthlan huaihawt ngai loin Seat 5 awmnaah mi 5 chiahin VC chuh turin hming an pe lut a, Congress 1, MNF 2 leh ZPM 2 -te an ni a tlinga puan fel tawh an ni a. MNF leh ZPM hian VC pahnih ve ve an neih avangin tu zawkin sorkarna siam dawn a la chiang thei rih lo a ni. Buangah Reserve seat-ah chuhtu awm loin MNF Candidate chu tling sa a ni a, Melbukah ZPM Reserve candidate chu chuhtu awm loin a tling bawk a ni.
Mizorama sorkarna siam lai ZMP Candidate-in General Seat- 2 awm theihna Tuipui khuaah ah seat 1 chiah an chuh a, a bak VC 61-a te seat awm zawng zawng an chuh vek a ni.
Congress Party-in khaw 11 ah seat an chuh lo a, Buang, Bulfekzawl. Dungtlang, Hruaikawn, Leisenzo, New Hruaikawn, Ngur, Thekpui, Thekte, Vengthlang North leh Zawngtetuiah te Congress hian candidate an nei miah lo a. Congress Party hian khaw 22-ah seat an chuh kim lo a, Farkawn, Kahrawt, Khankawn. Khawbung, Khuangphah, Khuangthing, Leithum, Lungphunlian, Melbuk, Murlen, North Diltlang, North Khawbung, Ruantlang, Sazep, Selam, Sesih, Tlangsam, Tuipui, Vaikhawtlang, Zion Veng, Zokhawthar leh Zotlangah te Congress hian seat an chuhkim lo bawk a ni.
MNF Party-in khaw 10- Buang, Khawbung, Khuangthing, Lianpui, Lungphunlian, Melbuk, Murlen,North Diltlang, Sesih leh Vaikhawtlangah te seat an chuh kim lo ve bawk a ni.