Tuipuiral Annual Sports Meet 2024 Volleyball Champion Dungtlang.
Vawiin tlai khan Hmeichhe Volleyball Final-ah Tuipuial Volleyball thiam khua pahnih Dungtlang leh Khuangleng an inkhel a, Player nei tha zawk Dungtlang an chungnung tluan a, Khuangleng hian kawmg engkimah an pha lo a ni ber. Dungtlang hian set hloh nei loin 25-12,25-13,25-19 a hnehna changin a vawikhatna atan an Champion ta a ni.
Mipa Volleyball Semfinal-ah nimin khan Farkawn-in 3-1 in Sazep an hneh a, Nizanah Khuanglengin 3-0 in Bulfekzawl an hneh ve bawk a, naktukah Farkawn leh Khuangleng an final dawn a ni.
Football Semfinal vawiin khan khelh zawh niin a thlengtu Sesih leh Lesenzo-in final an lut.
Tuipuiral Annual Sports Meet 2024 hi Sesih khuaah neih niin Vawiin Football Semfinal hmasa zawkah Leisenzo-in 2-1 in Vaphai an hneh a, Vaphai lamin goal khung hmasa zawkin Min 27-naah CS Vanlalawmpuia hmangin goal an khung a, Min 90 chhung goal dang a luh belh lo a, he goal hi Vaphai lam hian an chakpui mai dawn ni-a a lan laiin Min 93-naah Leisenzo tan Thangnunsiama’n an siphurh a sut a, hun a tawp zui a, hun pek belh khelh niin Min 144-naah Thangnunsiama bawkin Leisenzo tan a pet goal leh a, he goal hi Leisenzo Final hruai thlengtu goal pawimawh a ni zui ta a ni.
Semfinal hnuhnung zawkah a thlengtu Sesih Blue-in si 1 faiin Samthang an hneh a, he inkhel hmuhnawm leh boruak tang takah hian goal a lut har hle a, Min 72-naah Sesih tan Pausuankhama’n a ti goal a, hun tawp thlenga goal dang luh belh loin a thlengtu Sesih hian final an lut ta a ni.
Final hi naktukah Sesih Blue leh Leisenzo-in an khel ang.