Tourism Minister Pu Robert Romawia Royte chuan vawin 24.11.2023 hian Delhi – ah Union Civil Aviation Secretary Vumlunmang Vualnam hmuin tun hnaia Kolkata to Aizawl Leh Aizawl to Guwahati thlawhtheihna chuan man to uchuak lutuk chu endika tihhniam a nih vat theih nana hma la turin a ngen.
Robert Romawia chuan Koalkata to Aizawl ticket Rs 4500 /5000 ni thin chu tun hnaiah Rs 14000/15000 te a ni ta tih sawiin ” hei hi Zoram mipuite tawrhna a ni piah lamah airline-te’n mipuite tawrhna a ni a, airline-te’n mipui an zah lohzia tilangtu a ni,” tiin Mizorama service turin airlines tam zawk mamawh a nih thu pawh sawiin hma lakpui turin a ngen nghal.
Mizoramah Helicopter service indaihlohna a nasat thu sawiin Tourism Minister chuan, Helicopter thar tha Mizoram tana ruahmanpui turin Union Civil Aviation Secretary a ngen bawk.