Thutak Nunpuitu Team (TNT) Centre, Muanna Venga hri kai zat hmuh chhuah zat chu mi 555 an ni.
Hemi chungchangah hian vawiin khan State Nodal Officer Dr. Pachuau Lalmalsawma chuan thuchhuah a siam a. Pathianni (June ni 20) khan TNT a thawktute leh he hmuna awmte chu RaGT hmangin sample endik a ni a. Mi 1099 zingah 539 an positive a. Hri kai hmuh chhuahte hi mipa 431 leh hmeichhia 108 an ni. RAgT negative, symptom nei si mi 124 te chu Thawhtanni khan RT-PCR hmanga endik leh niin hrikai mi 16- mipa 14 leh hmeichhia 2 hmuhchhuah leh an ni tih a tarlang.
TNT Centre atanga hri kai hmuh chhuah zawng zawng chu mi 555 an ni a, mipa 445 leh hmeichhia 110 te niin sample test zawng zawng zat chu 1223 a ni a. RAgT hmangin mi 1099 endik an ni a. RT-PCR in mi 124 endik an ni ve thung a. Hri kai an hmuh chhuah hi za zelah 45.38% a ni.
TNT a hri kaite zingah hian tun dinhmunah ngaihtuahawm an awm lo niin Dr. Pachuau Lalmalsawma chuan a sawi.