Zokhawthar lei khar hawn tumna avanga buaina chhuak anga sawi chungchangah Tio (Tiau) Thalai hruaitu chuan thu dik lo a nih thu a sawi.
Zokhawthar atanga thudawn danin inthlan vuakvetah lei hi ni hnih chhung venhimna thil avanga khar a ni tawh a. Hemi chhung hian mihring leh bungrua pawh lut thei lova dan chah a ni.
Pu Mahneha, Tio Youth Association hruaituin Maipawl a hrilh danin, “Tlai lamah Assam Rifles in min ko a. Zokhawthar lam pawh an VC te kaltlangin an ko khawm bawk a. Lei hi thu leh awm hma chu mihring leh bungraw lut thei lo tura khar a nih dawn tih an sawi a.
“Keini lamah phei chuan a thu a ho em mai tia hawsan ta te an awm a. Mipuiin gate hawn luih an tum anga sawi kha chu dawt hulhual a ni. A tawp thlengin a hmunah ka awm a. Buaina engmah a chhuak lo.” a ti a. He dawt thuthang hi Assam Rifles te thehdarh nia an hriat thu Zokhawthar lam chuan an sawi.
Hemi chungchangah hian Zokhawthar Police-te chuan buaina a chhuah loh thu an sawi a, he inkokhawmnaah hian an inrawlh lo tih an sawi bawk.
Zokhawthar khawtlang hruaitute chuan dawt thehdarh chungchangah hian thudik a ni em tih finfiah hmasa thin tura an ngen thu Maipawl an hrilh tel bawk.