LESDE Detp. changtu Minister Lalnghinglova Hmar chuan thalaite eizawnna thahnem tak siamsak tum a nih thu House a hrilh a, ITI Champhai Zote-a raltlan awmte chu an awmna tur hmun tha zawk chu awm se chhuahsan tawh se an duh thu a sawi.
Vawiina Assembly House-a H Ginzalala, Champhai North bialtu MLA zawhna chhangin LESDE Detp changtu Minister Lalnghinglova Hmar chuan LESDE Dept hnuaiah project scheme hrang hrang kalpui mek a ni a, heng atang hian thalaite eizawnna thahnem tak siamsak tum a nih thu House a hrilh a.
Ginzala zawh belhna ITI Champhai Zote-a awm chu sorkarin engtia kalpui nge a tum tih zawtin ITI buidlinga ratlan awm mekte chu hmun danga dah a, a building chei thaa thalaite tana eizawnna emaw encubation centre emaw tih theihna tura ngaihtuah dan a awm em tih leh Champhaiah a theih ang anga incubation centre dina hma lak pui theih dan a awm em? tih a zawt a; Lalnghinglova Hmar chuan chhangin ITI Champhai Zote chu a building ding uaih tawh mah se, sak mek zinga mi a nih thu sawiin ITI -a raltlan thahnem tak awm chu dah luh an nih dawnah Dept rawn an ni lo a, in rawnna hman pawh a awm lo a ni mai thei tih sawiin an lakchhuah hun tur pawh an hre mai thei lo tih a sawi a, an awmna tur hmun tha zawk chu awm se chhuahsan tawh se an duh thu a sawi bawk. Encubation Centre chungchang zawhna chu Champhaiah mai ni lo hmun dangah pawh din belh zel tumna a awm thu sawiin ruahmanan an neih zing a mi a ni a, PSU liante leh Sorkar laipui nena thawhhohna thuthlung ziah fel tep a nih thu a sawi a, Thu lawmawm an nei thuai dawn niin a sawi bawk.
LESDE Minister chuan Jail tangte leh home-a awm te an thiam thil zirtirna tur sum awm theite an dap a, Ministry lam a dawr tawh a, a hnuah department hotute nen an dawr leh a, hna 10,220 awm theihna tur, cheng vbc 31 chuang a awm thei hnai dawn niin a sawi a. Hei hi hmun hrang hranga thalai te tan thiam thil zirna turin an hmang dawn niin a sawi. Lalnghinglova Hmar chuan, sum indaih lohna avangin District pisa te an nih tur angin an nih tir thei lo chu pawi an ti hle niin a sawi a, sum indaiha tih a chakawm niin a sawi a. Tuna Leader of Opposition in LESDE a enkawl laia a thil tih te an chhunzawm a, Mizo thalai te khawvel ram zau zawka hna an thawh theihna turin hma an la dawn niin a sawi bawk.