MP Lok Shaba inthlan lo awm tura Congress Star Campaigner Dr. Lallianchhunga chuan Kristiante’n harsatna nasa tak an tawh mek lai an tan lam pawh tilang ngam lo ZPM leh BJP lama thu tur chiang sa MNF candidate-te chu vote chi an nih loh thu a sawi.
Dr. Lallianchhunga hian Champhai tlang dungah campaign beihpui a thlak mek a, “April 19, 2024 a Lok Sabha inthlanpui Mizoramin a hmachhawn tur chu Mizo hnam leh Kristiante’n inthlan an hma chhawn tawh zawnzawnga pawimawh ber a ni dawn tih sawiin MNF leh ZPM tan NDA emaw INDIA Bloc emaw-ah an tel ve ngei ngei a ngai a, tan lam nei lo leh issue base -in ti te tan New Delhi-ah Politics awmze nei a khelh theih loh a, tan lam ka nei lo a tih ngawt theih loh niin a sawi a.
Dr. Lallianchhunga chuan India ramah sakhaw zalena chu chawi nun zel a ni dawn em tih leh Chanchintha a thehdarh zel theih dawn em tih chu Vote hmangin fiahna hmachahwn a ni dawn tih sawiin Mizo Kristiante tanrual a ngai tak zet a, Kristian ten India ramah nekchepna an tawh mek laia ṭan lam pawh tilang ngam lo ZPM Candidate leh BJP kaihhruai lama thu tur chiang sa MNF Candidate te chu India rama Kristian te dinhmun aṭang chuan Vote chi an ni lo niin a sawi bawk.