Sesih PHC-a doctor thawkmek sorkarin a sawn chhuah duh lo a, Sesih mipuiin doctor chhuak tur an dan chu Doctor transfer order sut a nih tak avangin vawiin khan an titawp.
Puan tawh angin Sesih PHC-a doctor sawn chhuah a ni a, Sesih khawtlang chuan a aiawh tur doctor dah a nih hma chuan sawn chhuah an rem tih loh thu sawiin nimin khan Sesih kawtchhuahah mipui pawngkhawmin Doctor chhuak tur hi an dang a, Sesih khuaa NGO Pawl hrang hrang (YMA, MHIP, MUP, Games & Sports Association) leh VCt-te bakah Leisenzo, Lianpui leh Khuangleng VC te pawhin Sesih atanga Doctor sawnchhuah chu an hriatthiam loh thu leh Sesih khawtlang hmalakna chu a tawp thlenga an thlawp tur thu thuchhuah siamin an tarlang a ni.
Nimin khan Under Secretary, Health & Family Welfare Department Pi Lianhmingthangi Hmar chuan Sesih doctor transfer order hi thupek dang a awm hma chuan tihtawp a nih thu notification a tichhuak a, he notification hi Sesih khawtlang hruaitute chuan vawiin khan hriaiin sorkar thuchhuak hi a rintawkah ngaiin chawhnu dar 1:00 khan doctor chhuak tur danga punkhawmte pawh an tin ta a ni.
Sorkarin an ngenna ngai pawimawha doctor sawn chhuah order a sut leh chu Sesih khawtlang hruaitute chuan lawm thu an sawi a ni.